Cik Siti Wey Kembey Terbey Ke Bukik Jalil

pokya japar hatinya kering
bukey gedebe tapi berani
biar sapa berlago keting
piala malaysia kawe nok sengoti

Kawe ni, anok jati Kelate. Sekoloh dulu pun di kaley chepo. Sekoloh Rendoh Dato' Hashim. Namo sekoloh kawe pun lagi ado kelah nok banding nha skoloh jorji. Sekoloh Padang Lebar? Mugo namo sekoloh namo gitu? Bunyi po kodi jah? Hak Hak Hak (suko stail wok yoh). Tengok sekoloh kawe, namo Dato' tu!!! Time kawe sekoloh dulu, kawe memey main bola. Siak wakil sekoloh. Stendek la zamey dulu, kalu tubuh kecik, culah, lari derah cikgu akey suroh kawe main wings. Jersi nok keno no 10 sebab maso tu Hasing Mustapa idola semua budok-budok bayo kawe.

Kelate ni, pengalaman dio dale bola memey memeritkey. Selalu takdok lak. Dok pun sebab FAM bengong, selalu nok cari saloh sek-sek Kelate ni. Kalu dok kerano Kelate keno main kat stadium bukit jalil maso keno dendo hari tu, jangey harak selangor boleh meney liga. Kawe cop jari! Demo semua mesti doh tau deh, satu-satunyo negeri hok tok ajin meney pialo malaysia adolah tok lain tok bukey melainkan negeri yang melahirkan ramai jejaka-jejaka kacak pujaan seluruh wanita di malaysia. Bukan kawe hok oyak, tapi statistik hok oyak gitu. Orey tino kelate tu jangey cerito la, comey lotey blako. Mano-mano orey luar hok ajin gi kelate memey akey mecak mulut tengok ko kaum hawo sek kawe. I'm sorry! Bak kato Amir raja lawok.

Okey, bo cerito pasal kehenseman dan kecomelan orey kelate. Ni kawe nok bobey pasal bola. Dalam tahun 92 atau 93 dulu, zaman M. Karathu jadi coach, Kelate ajin masuk semi-final. Maso tu kelate kaloh nga kedoh hok jadi champion pado tahun tu. Pado kawe la, kelate ni bola dio akan ok bila dapat management hok baguh. Po zaman tu, zaman Ringgit Kreatif pegey bola kelate. Semuanya teratur. Aduh, sero berkarat molek otok kawe nok ingat memori lamo.

Hassing Mustapa. Sapo tok kenal dio baik gi bunih diri atau gi teley cuko getoh selaluh. Memey gong la kalu tok kenal nga player leg end hok bulih main nga skuad negaro ketiko umur dio baru 18 tahun. Ajin tengok dio sumak nga buoh lipak? Ajin kelih freekick dio maso dio main nga kedoh? Ajin kelih saiz kasut dio berapo? Saiz 6 gu! Po kaki kawe! Kecik dan comel tapi nyekit!

Tahun ni kawe tengok daley paper tadi anugerah penyerang terbaik bulih ko Indra. Tok kiro la dia lahir mano, tapi hok kawe tahu, mok dio orey kelate. Jadi, dio ado daroh kelate. Maso dio main nga pehey, perok atau team lain dulu ado dio meney anugeroh tu? So lagi... dia jugok meney anugeroh MVP (Most Valuable Player) of the season. Pehey ko kawe speaking london tu? Player paling bernilai cik abey oi!

N9 hok kawe tahu, sek kembar dio dua orey tu. Kawe ajin kelih Zaquan tu main nga Malaysia, serupo ayey tey sapa jah. Nga striker selngor biso striker selangor. Nga sriker kelate jauh skali la. Ko guono? Panahhhhh weh! Ekekekeke. Gura jah. Halim Napi tu tua-tuo dan gigi tok beropo nok ado pun, bagi kawe dio ikon bolasepak negeri kelate selepas hasing. Tok soh nipu. Kawe gerenti daley 5 generasi akey datey pun, 2 namo anok jati kelate ni akan dok segar atah bibir anok-anok mudo kelate hok smart2 dan comey2. Ko guano?

Halim Napi dio relo tok main bola nga team lain selain dari kelate. Dio relo pero lembu dan kambey. Kesetoan gitu, kita tokleh nok jual beli. Itu pegangey unik dio walaupun jenih panah barey (ore kelate ghama hok gini, tapi kalu orey tok cuit dio tok nyetok) dia tetap antara penjaga gol hok paling unggul di malaysia. Dia pernoh main nga malaysia weh. Nok cari mano. Daley 14 jajahan malaysia ni, dio hok no 1 zamey tu. Tok kirolah zamey bilo pun, asalkey dio pernah jadi nombor 1. Ko guano?

Maahlah kalu kawe ado bekok sikit-sikit. Biaso la, adat penyokong, keno bakar-bakar sikit. Baru ado thrill. Tapi toksir la sapa baka bah pulok. Ko guano? Apo-apopun, kleate dah kecewakan N9 maso semi final fa cup hari tuh. Jadi, sek dio beso doh dengey perasaan dikalahkah oleh the red warriors. So, bersediolah untuk kali ke-2. Gomo kelate gomo! Goal! Goal! Goal!

Prediction kawe kelate 2 n9 0

Toink! Toink! Toink! Kijey nopak nitah atah belakey ruso!

Btw, YNWA!

Pijo - http://thechronicleofpjoe.blogspot.com/